انا مرتاح جدا نفسيا وكل حاجة انا قضيت يومين اكنهم كل حاجة
مع احسن ناس مع امى التانية واخواتى
مع اجمل صحبه فى حياتى
حسيت انى بجد راجل جدا وانا معاهم
بحب نفسى اوى وانا خايف عليهم
ضحكت اى حد فيهم بتخلينى طاير
طاير فى السما السبعة
حبهم ليا بيخلينى احب نفسى
بجد وانا معاهم بحس انى إنسان
إنسان جميل وطيب وحنين جدا
بيعمل كل حاجة حلوة
وانا ماشى حسيت ان رجلى مش عايزة تمشى
كنت بجد عايز اقولهم هتوحشونى
كنت عايز اعيط بس لقيت الضحكة على وشهم
فرحت اوى بجد بحبهم اوى
هما دلوقتى كل حاجة عندى
ربنا يخليهم ليا يارب
وبقول لهم خلو بالكو منى
بــــــــــحـــــــبــــــهــــــــم
14 الجدعان:
انت فعلا اجدع واحد في الشارع وعلى خط حلوان المرج
نفسي اعرف خطوطك التانية
مش هاكتب علشانك
ولا هوصف فيك
ولا هاحكي عن السر
اللي مخبي جوه عنيك
وملامحي المليانة بالفرح
مش هادخل جوايا عشان
هلاقيك
راح اطير عصفورة
او حتى حمامة
وأجيك
عندك عشي
وانت البيت
و العود الاخضر
اللى بيكبر
لما هيبقة شجرة منجة
بأحب المنجة وبرضه بحبك
نفسي اقدر
بس ياريت
انا انسان بقلب صغير
من يوم حبك
عمره اتغير
ربنا يخليك لينا
ونفضل احلى اخوات
واجمل عيلة بتحب بعضها
السلام عليكم
حمدالله علي السلامه اخيرا كتبت حاجه تفرح
علي العموم يارب يدوم السعاده عليك
فرحتك بحبهم فكرتنى بام كلثوم و هى بتقول :
يا دنيا حبى و حبى و حبى
ده العمر هو الحب و بس
يا رب دايما تحب و تتحب :)
الحمد لله
حمد الله على السلامه ياراجل
ربنا يخليكوا لبعض يارب:D:D:D
يارب دايما فرحان
وربنا يخليكم لبعض
ماتغيبش تاني بقي
شكلك كنت معايا هناك
انا كمان كنت فرحان و مش عايز اسيبهم
لو مش فاهم زور لبوست الأخير ليا و انت تفهم
وتحياتي و يارب دايما
www.1minelnas.blogspot.com
ربنا يفرحك ويسعدك أكتر وأكتر
الحمد لله انك سعيد ومبسوط ويارب ديما
لولا
انا سعيد طبعا انى بكتبلك
وانا متاسف على التاخير
وجميل اوى الكلام الحلى اللى انت كتبته
حبهم ليا بيخلينى احب نفسى
حلوة اوى الجمله دى والشعور اللى انت عايشه رائع
وفى النهايه ربنا يديم عليك الفرحه
ووربنا يوفقك
ربنا يخلهملك مع اني مش عارفة مين مامتك التانية بس ربنا يخليهملك يارب
انا فاكرة انى كتبت تعليق هنا
راح فين راح فين؟؟؟
دور معايا والنبى يااخ
والله كات معايا
اوعى تكون مسحته
!!!!!!!!!!
عموما حصل خير نكتب غيره
ربنا يخليك ليهم وتفضلو مع بعض على طول ولا تتفرقو ابدا
وبالنسبة للبوست اللى فات
انا بتكلم عن نفسى طبعا
انا مستعدة فى اى وقت اى وقت عاوزة تفضفض
ابعتلى بس عالمدونة وانا حسمعك ويمكن اديك ايملى
يــــــــــــــــالا ياعم هيص
مقلتهاش لحد خالص لحد دلوقتى دى
:-)
رغم إني ماعرفتش همّ مين
ورغم معرفتش يبقولك ايه
لكن عارفة إزاي تحس بإنك بتستمد حياتك من ناس وكإنهم إتخلقوا ليك و إتخلقت ليهم
ربنا يخليهوملك لإن المشاعر ده وقود جبار يخلّي القلب يعرف إزاي يعيش صح
Post a Comment