هى ايام حلوة بس سعات بحس انها غريبة اوى
مش عارف ليه ورمضان جميل بس مش حاسس بيه
مش حاسس باهلى وهم جنبى على الفطار
ومش حاسس انى ليا اخوات اصغر منى
مع انى انا الكبير يمكن انا ماشى غلط بس دلوقى انا كبير
مع انى انا الكبير يمكن انا ماشى غلط بس دلوقى انا كبير
وحاسس انى صح اللى يخاف عليا اخاف علية
نفسى بعد الفطار العب مع اخواتى اللى اصغر منى
افرح واعيش مبسوط
نفسى اعمل حاجه ابويا يقول ابنى عمل حاجه
او اى حد انا حاسس انى وحيد حتى
نومى كتير اوى بنام في المكان اللى بشتغل فيه
نومى كتير اوى بنام في المكان اللى بشتغل فيه
مش بيقول تعالى نام في البيت
حاسس انى غريب عنهم هو يدوب
يدنى تلفون يقولى انت فين هو كده اطمن عليا
يقول انت خلاص كبيراعمل اللى انت عايزة
حتى الشغل انا مش مديلو حقه
انا نفسى مش واخد حقى من نفسى
مش بعمل
جديد خلاص كده انا ايه بقا
جديد خلاص كده انا ايه بقا
انسان ولا كائن اخرانا غريب عنهم
ولا منهم مممممممم خلاص انا وحيد
وحيد نفسى حتى صحابى بيقوله انت اتغيرت فينك
مش بتروح عند اى حد مننا ليه زى الاول ولا بتيجى ميت ولا فرح
انت بجد بقيت غريب
معلش كنت مشغول الشغل بقا هعمل ايه
معلش كنت مشغول الشغل بقا هعمل ايه
يرد ويقول ايوة ما انت عاملتهم
طيب اعمل ايه انا مش عايز اعمل
حاجه بس عايز اعرف
انا ايه
ومين وليه انا كده وحيد
18 الجدعان:
استمتع
مش صعب انك تستمتع باللمه ورمضان والجامع المليان وشغلك
لما بنام كتير باعرف اني عاوزاني في موضوع وباهرب
اقعد مع نفسك احسن بقي.. وشوف رايح فين
انت بس محتار .. اقولك نصيحة عيش اللحظة بلحظتها ... استمتع حتى بالحزن
جرب كده
تستمتع بانك حزين وان دي حالة لازم تعبرها لاخرها .. صدقني حتفوق
وبعدها اكتشف اصحابك .. مين بيحبك .. ومين لاء
حتطلع ممكن ب2 بواحد بس حتطلع بناس يبقوا جنبك
اخرج غير جو املا حياتك بحاجة بتحبها قوي حتى لو كانت واحدة يا سيدي
وربنا معاك
اخى ممكن نصيحة ممكن ترتب افكارك
ممكن تعيد اولوياتك وممكن تعمل تصفية
يعنى تعمل زى الشجرة لما بتغير ورقها
انا عارف انك حتشيل ناس وتحط ناس مكانهم
كل فترة لازم تعمل تقيم لنفسك وللحوليك
وحتغير من نفسك ترتيب اصحابك ترتيب الى انت كنت بتحبهم
انا الموضوع دة مريت بية
كنت بقول لناس اكبر منى
انا عايش فى غربة وسط اهلى واصحابى
ونصحنى ان اقيم نفسى واقيم الناس الى حوليا
ومن سا عتها حسيت انى احسن
دة شعور عادى
معلش طولت عليك
تحياتى
شكرا يا أجدع واحد فى الحاره
على طلتك الجميله
شبه روحك
عاوز أأوللك
إزاى وحيد
وعندك الناس الجميله دول
سوسو
لاميا
جواد
وأكيد غيرهم كتير
انته مش وحيد أبدا
ولازم تعرف إن الألأ
أجملك
بس المهم يولدك
لفين
بتمنى ليك
كل الفرح
تحيه صافيه
شبهك
من ألبى
ليك
ولمدونتك
الجميله
استمتع ازى
لاء عندى انا صعب وصعب اوى كمان
لما اب او ام اكنهم معندهمش ابن
وابنهم الكبير قولى ازى استمتع
انا لما بروح البيت بندم انى روحت
من النكد اللى مش بيسيب البيت
مفيش لحظه واحد بس فرح بشفها
حتى لو عملت حاجه كويسة
اكنى معملتش اى حاجه
ابقا انا كده ايه
حرام كده ولا مش حرام
بجد انا عايز اموت
يارب خدنى فى الشهر المفترج ده
ريحنى من الدنيا دى
والزمن ابن الكلاب ده
حرام بجد حرام
انا خلاص مش قادر استحمل
مش عارف اعمل ايه
امشى اروح فين مش عارف
مش هعرف اروح اى حته غير
شارعنا اللى انا اطربيت فيه
ومش هاعرف غير صحابى اللى خات عليهم
ومش هاعرف ناس غير الناس اللى بيحبونى واحبهم مش هعرف زيهم مش عارف
خلاص انا ميت
انا عايش ميت
يبقا انا لبا لزمة بقا
فى الدنيا عشان اعيش فيها
انا نفسى اروح مكان بعيد
انا مش نفسى فى حاجه ولا عارف اعمل اى حاجه بقول وخلاص بقول هعمل ومش بعمل عشان انا مش هعرف اعمل اى حاجه عشان انا ميت يارب خدنى بقا انا تعبت اوى
والله تعبت وبتعب ناس كتير معايا
يا رب ريحنى انا مش عارف اعيش يوم حلو
ليه مش خالتنى حيوان على الاقل بيعيش مش فاهم حاجه جى يساعد الناس وخلاص
ليه خالتنى كده ولا حاجه
نفسى اعيش يوم حلو
نفسى اعيش حلو على طول مش يوم كل سنه
او اتنين حرام ده ولا مش حرام مش اموت احسن برده اعمل ايه انا خلاص عرفت نفسى انا عرفت نفسى انا واحد ملوش اى لزمة فى الدنيا ولا اى مكانه غير عند ناس معينة وبجد انا لو خسارت الناس دى يبقا انا كده خلاص
هبقا !!!!!!هبقا ايه ولا حاجه خلاص
ابويا وامى خلاص شويه كمان واسيب البيت اللى الابد واعيش لوحد !!!!مانا اهو عايش لوحدى على رائى ابو شنب بقول لنفسى تصبح على خير يا انا وسعات بنسا انى موجد من اصلو يعنى انا كده بقيت ولا حاجه حتى صحابى مش معايا زى الاول يبقا انا كده ايه بقا غريب ولا لاء مليش حق اعيش صح معلش انا مكنتش عايز اوجع دماغ ده بمشكلى بس انا كنت عايز ارد على التعليات بس
بس الكلام تطلع غصب عنى لقيت ايدى بتكتب ومش عارف اتملك منها ودموعى مكنتش عارف امسكها
سؤال رخم شويه !!! هو فى حد زى كده ؟
انا بقول ممكن بس مش زى كده ممكن يكونة احسن منى شوية بس زى لاء
بجد انا اسف اوى مش عارف ليه انا بكتب كده
سلام يا اجدع ناس
يا اجدع واحد
اقول لك بس
أصبر
هي دي مرحلة المراهقة
في لحظة اسعد واحد في الدنيا
بعدها تلاقيك اتعس واحد
مشاعر متضاربة
انصحك
املء وقتك
لا تترك عندك وقت فراغ
اقرا
اقرا
اقرا
تعلم
اكتسب خبرات
هتنفعك بعد سن معين
يا واحد بيدور علي نفسه ..يمكن مفيش حد معندوش نكد في بيتهم و بتفرق في مدي تقبلنا ليه أو تجاهلنا لوجوده
بس عايز أقولك علي حاجة ..أنت كبرت و المفروض تسيب أهلك في اللي هما فيه ...مبارك مش سايب حد فاضي لعياله ولا لأهله و أنت لما هتكبر و تبقي مكانهم هتقدر أنهم فضلوا مستحملين اللي هما فيه و ما جالهمش أنهيار عصبي ولا أنتحروا ولا مثلا الوالد راح يصرف فلوسه علي الستات و المكيفات
بجد الناس دي تعبت عشانك بس أنت مش واخد بالك و ظروفهم هيا السبب و هما بيتعاملوا معاك علي أنك كبرت و بقيت راجل و التقدير اللي أنت عايزه هتاخده منهم في يوم من الأيام و أن كانوا غلابة لدرجة عدك القدرة عن التعبير عن تقديرهم لأولادهم فربنا مش بينسي حاجة حلوة أنت عملتها و هيجازيك كل خير
سيبك من موضوع الموت ده و اكبر لأنك كبير و مرحلة و هتعدي
قول آمين
اولا احب اقولك فى ناس كتير زيك و ناس اكتر كانوا زيك و مش فى سنك بس لا اكبر كمان و اغلب الناس اللى كانوا بيمروا بالمرحلة كان عندهم فراغ
واضح ان مشكلتك انك مش لاقى حاجة تعملها تكون بتحبها و مهتم بها
اما والدك ووالدتك فكتير غيرك بيشتكوا من انهم بيدخلوا فى حياتهم يمكن هم شايفين ان ده افضل لك علشان تعتمد على نفسك اكتر .. ليه ماتكونش انت فرحة البيت ؟؟ لو فى مشاكل فى البيت حاول تشارك فى حلها ..كون بجد الاخ الكبير و حسسهم انك مهتم بهم من قلبك
اجدع واحد غير من نفسك الاول و بص للامور من منظوز مختلف
خاليك بجد اجدع واحد مع نفسك الاول
و ربنا معاك
على فكرة
مش صعب اننا نغير حياتنا عشان تبقة احلى
مش غلط اننا نغير مواعيد نومنا واكلنا والبيوت اللي بنسكنها والناس اللي بنعرفهم والصحاب اللي بنخرج معاهم والاماكن اللي بنروحها
طبيعة الحياة التغيير
شوية تغيير هيخلوك تنبسط
انا متأكدة
تقدر تاخد اجازة
سافر يومين
ممكن نغير مواعيد الشغل خالص
ممكن نبتدي احنا بالخير
ونروح نجيب حاجات حلوة
ونرمي نفسنا ف حضن اهلنا
ورغم كده مفيش حياة حلوة على طول
ولا وحشة على طول
الدنيا من ده على دى
اية يا ابني الاغنية دي
جااااااااامدة قوي
حرام عليك اللي بتعمله في نفسك ده
روق و صلي علي النبي
انت لسة شباب و اكيد في حاجات حلوة كتير تقدر تعملها
اقولك علي حاجة
خد معاك ثلاثة كيلو برتقال كل كيلو في كيس و روح القصر العيني و زور العيانين هناك اللي ملهومش حد يسال عليهم و ساعتها حتعرف انك في نعمة عظيمة صحة و اهل و رجلين حتطلع تجري من القصر العيني و تقول احمدك يا رب و حتحس انك حد تاني مبسوط و سعيد
او بص
اعمل اي نشاط تساعد بيه غيرك اشترك في فصول محو امية او مشروع كفالة يتيم او اي شئ تقدر عليه
يا واحد يا خويا الشعور اللي عندك ده لانك مش حاسس ان لك لازمة في الحياة برغم ان ده مش صح في ناس كتير محتاجينلك و محتاجين اللي زيك يسال عليهم و يساعدهم
و احنا كمان في عالم التدوين عايزينك
امال مين حينكد علينا يا راجل
ههههههههه
رمضانك كريم يا طيب
ايه ياعم انت عندك اغتراب ولا ايه
بص الحالة عند معظمنا على ماأعتقد
بس بص لو عايز تحس برمضان اقرا قرآن00ده كلام نهائي
انت عارف ان الاحساس بالغربه ده هو الاحساس الحقيقى اللى بيشترك فيه جميع البشر وبنفس الكيفيه
يعنى كلامك مش غريب لان الغالبيه كلها غريبه
انت كده صح مش غلط واستسلامك للشعور بالغربه اولا يرجع لرغبتك فى التغير يعنى لو عايز ترجع زى الاول هترجع بس شويه لحد ما الاختلاجات النفسيه متتظبط فى الاحساس اللى انت وضحته وده ميمنعش انها هتكون غريبه فى جزء تانى هتحسه لما تكبر شويه .ولو عايز تتغير فى الاحساس بالغربه بدايه جيده جدا للتغير ولكن احذر وقوعك فى دائرة التوهان اللى عادة بتبدأ مع كل تغير فى التعاملات الاساسيه لكونك عنصر فى مجتمع
ويارب تكون فهمت حاجه
ولو مفهمتش فده دليل على ان انا كمان غريبه واعتبرها مشاركه وجدانيه
كروان
انت عارف ان الحل فعلا القرايه للى انت فيه ده اقرا كتاب كبير اوى روايه مثلا او حاجه انت بتحبها بس المهم انها تشغلك لفتره طويله هتحس بعدها انك بقيت كويس
وبعدين كبر ياعمنا
كبر اوى
وربنا معاك وبلاش تدعى على نفسك بعدين نخسر اجدع واحد فى الحته
ولا انت عايز البنات تحدف نفسها من البلكونه عشان خاطر الجدع
كروان
كلنا زيك الواحد بقى تايهه بجد ولا عارف هو فين ولا حاسس باللى حوليه وطعم كل حاجه حلوه راح وسط زحمة الدنيا
سورى للتاخير انا مابدخلش البلوج كتير
كل سنه وانتوا طيبين ورمضان كريم
السلام عليكم
ليه اليأس ده يا اجدع واحد , خلى املك فى ربنا كبير , انت مش مطلوب منك تغير من حولك او انهم ينظرون اليك بنظرة احسن , نصيحة اخوية لك بان تغير من نفسك اولا للافضل و هتلاقى كل حاجه حوليك بتتغير للاحسن و ده مش كلام نظرى ده بجد حقيقى و جرب بنفسك , انت اكيد جربت اساليب كتير , فجرب الحل ده يمكن ينفع , بانك تغير من نفسك , مش معنى كده العزلة , لا , معنى ذلك انك تجلس مع نفسك و تقف مع نفسك وقفة حقيقية و تكون صريح معاها قوىىىىىىى و تشوف ايه النقط المفروض انك تصلحها و لازم تصلحها و ايه النقط الكويسه المفروض تنميها ,و لما تنوى ذلك , استعن بالله و ابعد عن اصدقاء السوء , ابحث عن صديق يرفعك الى اعلى , و غير نظرتك للحياه و نظرتك للاشياء التى حولك , فلا تنظر الى النصف الفارغ من الكوب لان ده هيولد يأس بداخلك , و لكن انظر الى النصف المملوء و غير نظرتك للاشياء ستجد مالا كنت تتوقعه , يعنى لا تنظر الى اهلك انهم لا يشعرون بك , بل انظر الى المكالمة التى يفعلها والدك لك كى يطمئن عليك كما قلت , لا تصغر هذا الفعل فى نظرك " فلا تحقرن من المعروف شيئا ", و انظر الى هذه المكالمة بنظرة اخرى , و تأكد انك ستشعر بمدى خوف والدك عليك الذى لا يظهره فى هذه المكالمة ,و اعلم ان فى اشياء كثيرة و منها امور التربية تطغى احيانا على المشاعر كى تحقق الهدف المطلوب , و كمان خليك دائما تلتمس الاعذار للاخرين مهما كثرت اخطائهم , كن يا اخى سمح الصدر و انت هتلاقى نفسك مرتااااااااح جدا , عالفكره هذا الكلام مش كلام نظرى , ده كلام واقعى و مجرب , اتمنى ان تكون التدوينة القادمة لك ان شاء الله عن تحسن حالك مع نفسك اولا و مع من حولك
و اعلم " من اصلح ما بينه و بين الله ,اصلح الله ما بينه و بين الناس"
ياخرب بيت برج الدلو
تعرف انت مشكلتك أنك من مواليد برج الدلو
ده اصحابه حساسين زياده عن اللزوم ورغم انهم بيتمتعوا بجاذبيه كبيره لذي الأخرين الا أنهم أصخاب شخصيات أكتئابيه ، وانا منهم بالطبع ، تعرف أنا حاسه باللي انت فيه وساعات أعيط من غير سبب وكل اللي انت فيه ده طبيعي
وكل اللي علقوا عندك قالوا لك بعض الحلول والنصائح أنا موش حا اقدر أزود عليها
الا أنني اؤكد لك مافيش بيت خالي من المشاكل وما فيش حد سعيد يابني البوت أسرار وفيه ناس كتيره بتمثل والنكد ده ملازم معظم البيوت الغني والفقير
اما انك بتشتغل ده اجمل حاجه انت بتعملها ، خلي دايما عندك طموح وهدف توصل له ، وماتقبلش لتفسك انك تكون أنسان عادي ، لا أنت
أنسان متميز وحساسيتك المفرطه هي التي تشعرك بالحزن
اما نكد ماما وبابا
ياحبيبي ده نكد تاريخي
انا مثلا وانا قد ماما كان النكد بين ماما وبابا ملازمنا منذ الطفوله لحد ما ربنا افتكرهم هما الأتنين
وانا أتجوزت من رجل أنا أختارته علشان أعيش حياة الأفلام والرومانسيه
وحياتك ياحبيب قلبي برضه النكد موجود ولما أتحاشي الجلوس معاه أو الرد عليه
يدور علي فين علشان ينكد علي
انا عايزاك تحب نفسك شويه
بمعني انك تحدد أهدافك
وتسعي لتحقيقها
حا تشعر بلذه
وكمان جرب تشترك في حاجات أجتماعيه زي زياره المرض وخلافه
جرب تلعب رياضه
اكتب
واكتب
وأقرا كتير
وأمشي مسافات طويله
أقرأ قرآن وحاول تختمه غي رمضان
وأوعي تدعي تاني علي نفسك لأن ده حرام
ويمكن باب السما يبقي مفتوح
جرب تدعي لنفسك
ولوالديك بالهدايه
ونسيت اقول لك حاجه
كويس انك تنام علشان تريح أعصابك
بس اوعي تنام في الشغل
لأنك في الشغل لازم تكون يقظ دائما
وفي النهايه
انا بخترمك قوي علشان انت بتشتغل
الشغل ده
حايصقل شخصيتك
ويجعلك رجل محترم
انا موافق علي كلام مكسوفة ده تماما باستثناء موضوع الأبراج طبعا و الأختلاف في الرأي لا يفسد للود قضية ولا محضر
خش و اكتب تاني طمننا عليك
انا شغال و مطلع همي و خنقتي في الشغل و أعتقد أنك لو جربت كده هتلاقي الموضوع تأثيره أخف
و لما تنفرد بنفسك فكر في تعليقات الناس و رأيهم و يمكن تلاقي اللي يناسبك
ربنا معاك و عايزين نشوفلك بوست قريب
مش مصدقة انك 16 سنة
مخك كبير و اسلوبك لطيف
الي الامام
Post a Comment