يا على الدنيا لما تكون معاك
تكون الحياة جملية اوووووى
ومش عايز تعمل حاجه غير انك تعيش
مع الدنيا بس مش اكتر
بس يا خوفى لو الدنيا غدرت بيك
ياويلك بقا يا عم الحلو من الدنيا
هتوريك ايام عمرك ما شفتها
الدنيا يوم معاك ويوم عليك
بس الانسان الصح هو اللى يكسبها
وانا ان شاء الله هكسب الدنيا
وخليها معايا على طول
6 الجدعان:
اوعي تسبها بس تصدق ببقى احيانا مستنية الدنيا تعمل فيا حاجة وحشة معرفش ليه لما بلاقي كل حاجة ماشية حلو ورا بعض بخاف يعني انا كنت خايفة من النتيجة وبعدين من التنسيق ولقيتهم الحمد لله ذي ما انا عايزة بس خايفة لحسن منصيفش السنة دي :) هههههههه
لا يا عم عيش اللحظات بتاعة الدنيا زي ما هي علشان لو فكرت ف اللي بعد كدع هتتعب ومبروك انك عرفت تستمتع بيها ويا رب تستمتع بيها علطول :)
احسن حاجه انك ما تخافش من الدنيا
دور على اللحظه اللى انت فيها
مش عارفة ليه انا حاسة ان كلمة الدنيا في المدونة دي مقصود بيها واحده معينة
حب جديد يعني
يالا كلنا لها
:)
خالص تحياتي
جرب تمشى وتبص لرجليك حتقع جرب تنزل من على سلم وبص لرجليك حتقع جرب تركب عجلة وبص لرجليك حتقع وحتخش فى اتوبيس وتتخرشم وتتقطع هدومك
الدنيا كدة امشى فيها من غير متبص لرجليك عمرك متقع
افتكرت مثل وحكاية حصليتلى
المثل بيقول اللى يخاف من العفريت يطلعله اماالحكاية كنت فى مدينة فى صعيد مصر وبعد ما بخلص شغلى كنت بروح البيت ماشى لان المواصلات هباب والمشوار حوالى نص ساعة وكان فية طريق اكتشفتة بيوفر يمكن عشر دقايق من المشى فضلت فترة على هذا الحال وبعدين حد سالنى انت بتروح ازاى فقلت له فقال ينهارك مش فايت قلت فية اية قال دى التخريمة دية بيطلع فيها عفاريت ناس اتقتلوا ومحدش بيمشى فيها بعد المغرب قلت بلاش كلام فارغ ما عفريت الا بنى ادم المهم بعدها بكام يوم اتاخرت فى شغلى وانا مروح افتكرت اللى اتقلى ومسكنى الخوف ومقدرتش امشى فى طريق مشيتة قبل كدة عشرات المرات بعد العشا مش بعد المغرب ولغاية ما سبت المدينة وانا مهوبتش نحية السكة دية رغم انى لاشوفت عفاريت ولا حاجة كل ما هناك ان الخوف سيطر على واذا خفت من الفشل حيلازمك الفشل دوس على الدنيا ومتخفش من العفاريت لان احنا بنصنع العفاريت جوانا لك كل الحب
لو لقيت ابقى احجز لى 3 تذاكر معاك
الدنيا يوم ما تأمن لها تغدر بيك
ويوم ما تبتسم لها تعاديك
هنعمل ايه ده طبعهالكن
هناخد منها احلامنا
ونعيش قدمانقدر بفرح ايامنا
اللحظه الحلوه نخليها
واللحظه الوحشه نرميها
Post a Comment