يا أيام الوجع
يا أيام البرد
يا أيام الخنقة والضيق
يا حزني
يا أزمتي
يا عقدة لساني
يا كل شئ مقفول
يا كل حلم مبيتحققش
امشوا ... ابعدوا .... ارحلوا
بلا رجعة بجد زهقت منكم قوي
من صفحات جيرونيمو
بس هى دى حالتى دلوقتى
ونفسى اخرج منها
يارب اخرج منها
7 الجدعان:
احب اهنيك على المدونه
وأقـــــــــــولك
حــــــــــرام عليك الأكتئاب ده
اخترت لنفسك اسم ابن الشارع وانا بالنسبة ليا دة يعنى انك مدقدق فى الدنيا مخربش ـ تعبير قديم من ايام شباب جدك معناة جدع قوى ومحدش يضحك عليك ـ وانا حتعامل معاك من هذا المعنى الف شكر على التعليق عندى ويسعدنى انى افكرك بجدك رحمة الله عليه وكمان انا قريت التعليق بتاعك فى مدونة نوران ـ شمعة ـ بس يابطل انا مش عجبنى مسحة الحزن دية من الحجات اللى بتخلينى ادى الدنيا شلوت لما احسن انى قرفان على الاخر كلام كتبة عم الزجالين بيرم التونسى قال عمنا بيرم
قال اية مراد ابن ادم
قلت له طقة ـ يعنى اكلةـ
قال اية يكفى منامه
قلت له شقة
قال اية يعجل بموتة
قلت له زقة
يعنى يابنى ـ ياحفيدى ـ الدنيا مش مستهلة ان الواحد يزعل بص لاى حد فاقد نعمة البصر والدكتور طه حسين عميد الادب العربى كان كدة ورغم هذا عمل اللى معملوش مفتحين كتير جدا ـ اربط عينيك بمنديل وانت فى البيت لمدة نصف ساعة وحاول تتحرك وتعمل اللى عاوزة حتلاقى الحكاية صعبة شيل المنديل راح تحس بنعمة ربنا عليك وعلينا انك مفتح اضحك تضحك لك الدنيا تفائل تتفتح لك ابواب كتيرة ومتنساش ان للكون مدير ذو قدرات غير محدودة اسمه الله عز وجل وانت جزء من مسئولية مدير الكون دة وهو لايفرط فى الناس المسؤل عنهم يعنى اعمل الى عليك والله سوف يقوم بالباقى اضحك كرركر اوعى تفكر تلاقى الدنيا حلوة زى السكر انا فى شغلى طول منا ماشى اهزر بادب مع اللى بيشغلوامعى ولما يعدى يوم من غير منكش حد منهم يسالونى انت كويس ولا فية حاجة مزعلاك اقول لية يقولا اصلك مبوذ واحنا منحبش نشوفك مبوذ ويعود الضحك انا طولت لانى عاوزك تعيش حياتك وصدقنى الساعة حتفضل 60 دقيقة وانت مكشر او وانت مبتسم يبقى احسن تبقى مبتسم وياحفيدى العزيز مفبش حد معندوش مشاكل بس كل واحد مشكلة متفصلة على مقاسة لك كل الحب وعوزك تكتب ايه الحجات اللى قرفاك على البلوج او على ورقة زى ما يعجبك وبعد ما تكتبها اقراها تانى يوم وحتلاقى نفسك بتقول اية دة هى دى مشاكل؟ اوعدنى وحتكسب
العابرة
شكرا
الاكتئاب دة هى دى حياتى دلوقتى
النوبى
ان شاء الله يا مان ربنا هيكرمنا
جدو
انا بجد مش عارف اقول لحضرتك ايه
انا بجد مبسوط جدا عشان انت اتوضعت وجيت البلوج بتاعى
وانا بجد نفسى اكون حفيدك بجد
مش معنا ياسمين
ربنا يخلهاك ويخليك ليها
بس انا ماقدش اوعدك
انا هحول بجد
وبجد انت شرفتنى اووووووووى
كروان
ربنا يخليكى
وانا متشكر اوى يا كروان
انا بجد
مبسوط لما دخلت وسط المجموعة بتعاتكو
انت وجدو ونوران ومين ومين
بجد انا مبسوط اوى
ويريت تكونى صاديقه للبولج بتاعى
المهاجر
اولا انا اسمى باسم مش اسلام
اسلام ده اخويا الصغير
وده مش كلامى صح
بس هى دى حالتى انا
مش اى حد تانى
وانت فاهم
تحياتى
واحد بيدور على ابن الشارع
مفيش كلام يتقال بعد الكلام اللي قاله جدو اسمع كلامه وجربه وهتستريح ان شاء الله :)
هذا ما نحس يه جميعا بس بنسب متفاوتة
شاركونا حملتنا في التفافة علي اليهود
زورونا لجمع اكبر عدد من التفافة لاغراق اليهود
خالص تحياتي
اشعر بتغيير بكلامك واتمني ان يكون للافضل دائما -لابد من فسحه امل
يكفي انك تريد ابعاد ايام الضيق والوجع
دمت بصحه وعافيه
حلوه اوي الكلمتين دول...كلنا حسينمهم اعتقد
Post a Comment