نفسي نمشي مع بعض تحت المطر
واصرخ واقول كلام كتير من غير خطر
كلام حب فى حنان واقولك بحبك بكل الاصوات
واخدك فى حضنى ونجري بعيد
او يمكن سعتها اخدك واطير
يمكن اكون اسعد مخلوق بحضن دفي وسط المطر
يمكن اكون احسن مجنون
ويمكن اكون مخلوق عجيب
بس امتى المطر يجي بنا واحنا سوا
10 الجدعان:
لالا برافو عليك يا استاذ باسم
ايه الحلاوه دي
ايوه كده بوست يفرح
اوعي بقي ترجع زي زمان تاني والنبي
لعلمك البوست ده احلي بوست يجي من خمشاشر تمناشر بوست فاتو
فيه تفائل ونظره للحياه بدات تحلو
وواضح كمان ان البيست وشز جابت مفعول
فخد عندك بقي(بست وشز فور يو)0
و(بست وشز فور يو)0
و(بست وشز فور يو)0
ههههههههههههههه
بس اوعى تاخد برد يا حاج من المطر
جميل كلامك يا معلم وعلى فكرة اخوك الصغير زى العسل ما شاء الله ربنا يخليه ليك ويخليك لية
اية يا بني الاحساس دة
الحمد لله البوست بيدل ان في تحسن فظيع
خليك كدة على طول
ربنا يسعدك ديما
ويارب المطر يجي بسرعة
واعمل زي خالد كساب
شتا وشارع وبنت
ايدها في جيب الجاكيت
ماشية حزينة وكمشانة
وعيونها في الاسفلت
فجاءة
ظهرنا قصاد بعض
اتثبتنا دقيقتين
بعدين
سبنا نفسينا لبعض
وفي عز ماهي في حضني
لقيتني باصص للسما وانا بانزف
وباصرخ
مش فاهم
رد عليا صدى صوتي
وحتعمل اية يا عبيط
يعني لو فهمت
تمنياتي ليك بدوام الحب والسعادة
اختك لولا
يـــــــــــــاه
كلامك حلو قوي يا باسم
انا كنت دايما باجي عندك
بس مكنتش بتشجع عشان اكتب كومنت
بس المره دي كنت مصره اقولك
ان البوست ده جميل جدا
ورقيق قوي
ويا بخت حبيبتك دي بيك
يابختها فعلا
بس اكيد برضه انك يابختك بيها
عشان اكيد هي مصدر الهامك عشان تكتب كلام حلو زي ده
من الاخر كده يابختكو ببعض
ويارب يوعدنا بحب زي ابو مطر ده
سلام بقي
كلام جميل
كل سنة وانت طيب
تحياتى
بجد ما احلى التفاؤل بس حقيقى احساسك حلو اوى فى البوست ده
وربنا يسعدك ويحققلك كل ما تتمناه
تحياتى
كل سنة وانت طيب يا باسم بيه
وحشتني اوي ياض
نفسي اشوفك
بس ايه يا عم الجمال ده بقيت متفائل اهو
ربنا يخليك متفائل كده علي طول
العنوان جميل
والبوست اجمل
والكلمات فيه تلمس القلب
يارب تفضل كده عطول يا باسم
أن شاء الله يجيى المطر وأنتوا سوا بس يارب متبردوش
ربنا يسعدك
حقيقى الصورة روعة لانى بموت فى حاجه اسمها مطر
والصورة معبرة جداااااااا
Post a Comment