المصري ... أيه

مش عارف
فعلا
مش عارف
حاسس اني تخنت شوية
حاسس اني قصرت شوية
محطوطة غمامة على عنيا
وخايف م الايام الجاية
ومستني حاجات
هتسألني عليها .....!!!!؟
معرفهاش .......!!!!!؟
معرفش كمان حاجة عن نفسي
عن أهلي
تاريخي
عن بلدي
مكاني وأرضي
ودماغي طناش
لاء مش غشاش
قول قلة جودة في التصنيع
متقولش وضيع
ده المصري .............!!!!؟
خلاص ..... مش قادر أقول
الوضع .......فظيع
وأنا حاسس إني اتغيرت
أو يمكن مبقتش أساساً
زي المفروض
حاسس وكأني ....مطرود
م الرحمة
موصوم ..... بالزحمة
دايخ ع الهدمة ....... ورغيف العيش
وبرضه مفيش
أحلامي مفيش
وكلامي مفيش
وبقول مستني
آآآآآآهـ ... مستني
مستني حاجات
ومتسألنيش ........؟؟؟

من صفحات الفنانه جينرمو