خايف اقول هطلع ومعرفش
خايف اقول هقدر ومقدرش
خايف اقول هكمل ومقدرش
خايف ارجع تانى من الاول
خايف اندم على حاجة معملتهاش
وخايف اندم اكتر انى عملتها
خايف من بكرا .......؟
وخايف اندم على امبارح ....!!!؟
وخايف انى اكون غلط ... معرفش بقا؟
خايف لعمل لحد مشكلة هو مش قدها !!!؟
والله انا فى حيرة كبيرة اوى !!!!!!!؟
خــــــــــــــــــــايف من دلوقتى
12 الجدعان:
اياك تاني تخاف او اشوفك خواف لالالالالااوعى تخاف اوعى تخاف ياباسم
على فكرة انا لولا مدونة احلى الاوقات
ضاقت ولما استحكمت حلقاتها
فرجت وكنت اظنها لا تفرج
matkhfsh .. law kan el khawf ragolan la qataltooh
عيني رأت مخلوق في غاية البشاعة
أنا قلت له لما تأملته ساعـــــــــــــة
اللذه و الموت علموك اللــــــــــزج
و انا علموني الفلسفة و الشجاعــة
عجبي!!
يعني بصراحه ياحج باسم وانا بقرا البوست اول مره والله
الكهربه قطع عندي
مش عارفه ده من كتر السسبنس الي في البوست ولا عطل كهرباء
ياعم ايه فلم الكوعب ده
حرااااام عليك
بس بصراحه برافو عليك بجد كلامك حلو جدا وتنسيقك جمييييل جدا..وتحياتي كتير
عارف اول ماقريت البوست ده افتكرت اغنيه منير
خايف اوعدك مااوفيش
اقولك فى تلاقى مفيش
الخوف عمره ابدا ماكان مبرر لانك تسكت ماتعمل حاجه
الخوف صحيح بيقيدنا مكاننا
لكن
لازم نهزمه ونبقى اشجع من كدا
واهديك بقى اغنيه الحجار واللى مش فاكره مين كاتبها بس هى بتاعه مسلل مساله مبدأ
خايف من بكره ليه
مين يعرف بكره ايه
انا مش هابص ورايا ولا اقول اه
مهما الامل غاب العيون شايفاه
الياس مش هيوصلك
ولو الهموم هاتحصلك مش راح تقف الحياه
وتخاف من بكره ليه
مين عارف بكره ايه
هه مين عارف؟
يخرب عقلك
فكرتنى بنفسى وبسنينى اللى ضاعت فى الخوف
انا بقى اللى خايفة عليك دلوقت كأنك اخويا الصغير اللى امى مخلفتهوش
انا هقولك ايه
انا لما بخاف مبيفرقش معايا كلام من حد
بس لازم اقولك متخفش وحب نفسك وعييييييش
خايق اتقدم لقوم ساقط فى حفرة
خايق اقول لكون بكذب
وخايف مقولش اقم اظلم
خاف لكن بحساب
عشان تتقدم لازم تخطو بس بوس تحتك قبل متتقدم مش تخاف وتقف مكانك
شكرا جدا على البوست
بوست جميل وكلامه جميل
بس لازم تهزم الخوف بكل الطرق وأوعى الخوف يتملك منك هاتضيع كل حاجة من ايدك لو سبت نفسك للخوف
بمناسبة ذكرى المولد النبوي الشريف ،
يسعدني انت انتهز الفرصة لأتقدم بخالص التهاني
وأطيب التمنيات القلبية
لكم والأسرة والأصدقاء ، وكل عام وانتم بخير
ياريتك زي الصورة مشعلق ايدك على اول خطوة في السلم وبتحاول تطلع
ده انت يا بني قاعد بعيد
تبص له
وتبحلق فيه
وتفكر
وتتردد
وتقرر
وترجع في كلامك
وترجع تقعد
تبص
وتبحلق
وتفكر
وتخاف
يا باسم باشا
السلم اهو يا تطلع
يا تروح تركب اسانسير
او تعدي نفق
عشان توصل
متضيعش عمرك انتظار
العمر مفيهوش مجال للانتظار
geronimo
عنده حق يا باسم العمر مفيهوش مجال للانتظار
لازم متخفش جرب تطلع السلم ممكن تلاقي شوية صعوبه وانت طالع كمل اوعى تنزل بعد ما تتطلع اوعى تفضل واقف في مكانك محلك سر لازم تثبت لنفسك انك اقوى من اي صعوبات
Post a Comment